Пісьмовыя заданні выконваюцца ў рабочых сшытках з указаннем даты і віду работы (класная / дамашняя). Выканаўшы заданне, якое мае паметку
НА АДЗНАКУ, неабходна даслаць яго фота мне ў асабістыя паведамленні ў Viber.
7 "Б" беларуская мова (каб. 118):
Тэма: Пераклад тэксту "Незвычайная постаць" з рускай мовы на беларускую
Заданні на ўроку:
праверка дамашняга задання: пр. 162
выразнае чытанне тэксту на рускай мове
вызначэнне стылю і тыпу тэксту
аформіць запісы ў рабочым сшытку:
Пятнаццатага снежня
Пераклад
Незвычайная постаць
перакласці тэкст з рускай мовы на беларускую
УВАГА! Пры выкананні гэтай работы можаце выкарыстоўваць мабільны перакладчык "Русско-белорусский словарь" Дадатак у PlayMarket можна спампаваць тут: https://play.google.com/store/apps/details?id=com.ttdictionary.rusblr&hl=ru
Імкніцеся перакладаць тэкст пафразава і САМАСТОЙНА, звяртайцеся да слоўніка толькі за пэўнымі словамі! Колькасць абзацаў, знакі прыпынку ў рускім тэксце = колькасць абзацаў, знакі прыпынку ў беларускім тэксце.
!!! Чарнавікі ўкладаем ў сшыткі
Для даведкі: Сен-Жермен - Сен-Жэрмен, венец - вянец, зрительский - глядацкі.
Дамашняе заданне: § 23, пр. 139, выканайце інтэрактыўнае заданне: https://learningapps.org/1114445
6 "В" беларуская мова (каб. 33):
Тэма: Асаблівасці правапісу канчаткаў назоўнікаў 1-га скланення (у давальным і месным склонах адзіночнага ліку)
Заданні на ўроку:
праверка дамашняга задання: пр. 196
НА АДЗНАКУ выканаць заданне ля дошкі:
пазнаёміцца з новым матэрыялам на с. 94, разгледзіць табліцу ў пр. 198:
зрабіць наступныя запісы ў даведнік:
пр. 199, 200
Дамашняе заданне: § 32, пр. 201
5 "В" беларуская мова (каб. 138):
Тэма: Кантрольны дыктант
Заданні на ўроку:
напісанне кантрольнага дыктанта
Дамашняе заданне: -
5 "В" беларуская літаратура (каб. 138):
Тэма: А. Федарэнка "Падслуханая казка"
Заданні на ўроку:
НА АДЗНАКУ праверка дамашняга задання: здаць настаўніку сачыненне-разважанне "Адносіны да старэйшых у сям'і"
адгадайце загадкі:
З-пад снегу выйшла, расцвіла, і так, што аж зіма ўцякла (падказка)
У гаі-гаёчку між травы, расы - белыя званочкі. Іх шануйце, дзеці, каб такой красы больш было на свеце (падказка)
На сцяблінку сонца села, белы капялюш надзела (падказка)
Гарачае лета, спеюць суніцы, а ён - у пуховай хусцінцы (падказка)
Хвалюе водарам, красою, але няпроста ўзяць рукою. Галава пахучая, тулава - калючае (падказка)
знаёмства за зместам казкі с. 117-121
Праца па пытаннях:
Ці спадабаўся вам твор?
Ці можна назваць гэты твор казкай? Чаму?
А гэта казка будзе літаратурная ці народная? Патлумачце свой адказ.
Вызначце, якім маргарыткам належаць прыведзеныя словы. Знайдзіце на карце краіны, з якіх яны былі родам.
Як па-іншаму называюць беларускую маргарытку? Чаму?
У беларусаў не існуе ні легенд, ні павер’яў пра маргарыткі. Расказваецца толькі пра яе сціпласць і цярплівасць, яна сузіральніца ўсіх бед і радасцей беларусаў. Пафантазіруйце і прыдумайце:
- Што будзе, калі пасадзіць маргарытку каля пад’езда?
- Што будзе, калі прысняцца маргарыткі?
У казцы А. Федарэнкі ўзгадваюцца і іншыя кветкі, пагартайце слайды і паспрабуйце пазнаць іх:
Як вы лічыце, чаму твор мае такую назву?
Дамашняе заданне: перачытаць твор “Падслуханая казка”, адказаць на пытанні 1-5 на с. 121,122;
*намаляваць кветку на лісце А4, а на адваротным баку напісаць пра яе незвычайную гісторыю або казку:
*вывучыць на памяць верш “Кветкі роднай зямлі” В. Гардзея:
Comentarios